طبخ | إفطار شتوي دافئ مليء بالحُب ❤
اهلا بالجميع~
بدأ الشتاء وبدأ الصباح البارد اللي ما يخلينا نترك بطانياتنا ونروح الدوام😂💔
لذلك تدوينة اليوم وصفة فطور سهلة ودافئة وغنية بعد ممكن تعطينا طاقة لوقت أطول في يوم شتوي بارد وبنفس الوقت سريعة وسهلة..
*المقادير:
- 1 كوب شوفان
- 2 كوب حليب ساخن
- 2 ملعقة كبيرة سكر بودرة
- 1 ملعقة صغيرة قرفة أو أي منكهات مُفضلة
- قطع فراولة أو موز
- 1 ملعقة كبيرة آيسكريم بالشوكولاتة
- ملعقة كبيرة كاكاو بودرة
نخلط السكر مع القرفة أو النكهة المفضلة
نحط الشوفان بصينية ونرش السكر فوقه
حسيت الشوفان بيطلع مو حلو وهو عادي زي ما هو لذلك نحطه بالفرن إلين
يتحمص، درجة حرارة منخفضة وننتبه له..
نحط الشوفان بالوعاء اللي نبي نقدم فيه😂 ممكن نحط بحافظة ونأخذه معنا الدوام
نضيف كوب حليب ونحرك إلين يصير لين❤
نزينه بالفراولة وممكن نضيف له موز بعد أو توت أو أي فاكهة عشان
نزيد من قيمته الغذائية
الهوتشوكلت:
هههه أسرع وصفة بتعرفونها
نأخذ كوب الحليب الباقي ونصبه بالكوب ونحط فيه الكاكاو وسكر لو حابين
وبعدها الايسكريم، غريب بس مره حلو طعمه ومناسب للما تكونين عجزانة أو مستعجلة 😂
وبس هذي تدوينة اليوم إذا عجبتكم جربوها وشاركوني تجربتكم ❤
مُهداة إلى فيّء اللي حمستني أنزلها يارب تناسب تقويمها وتحبها 😂
المهم بجدية اشتقت أكتب شيء فيه فلسفة زي تدوينة "كيف تتخلص من لكن" وحاليًا أفكر بكم فكرة وإذا عندكم إقتراحات ومواضيع حابين أتكلم فيها اتركوا لي تعليق وشكرًا هيهي😂
3 التعليقات
نايس
ردحذفالله يعطيك العافية على هالنشاط اللي فيييييك
اوكييييه اشتهيته:((♡ بس من رايق يصلح ويحط بالفرن وقت المدارس3/> ان شاءالله اسويه بالويكند:( شكراً عالاهداء ومراعاه الظروف لول، ان شاءالله اسويه قريب❤️
ردحذفبس الي اسسأل كييف طعم الشوفان ؟؟! 🚶
ردحذف