صباح / مساء النور 💕
كيفكم يا أصدقائي وكيف الاختبارات معكم؟:( يارب تعدي هالفترة على خير وتجي الإجازة المنتظرة بسلام 😂
بتدوينة اليوم حابة أشارككم أفكار وأشياء أحسها سهلت حياتي الكسولة واستفدت منها ✨
1- MORE french fries LESS guilty !
أول فكرة وهي عن نقطة ضعفي اللي ما قدرت أتركها أبدًا مهما حاولت أكون صحية:(!
لذلك لقيت حل مو صحي لكنه أقل ذنبًا من القلي وهو إني استخدم البطاطس المجمد الجاهز وأدهن الصينية وأحطه بين ١٢-١٥ دقيقة بالفرن
وتددداا حصلنا على بطاطس مقلي بدون قلي!! لذيذ جدًا لازم تجربونه🙊
2- بديل الزيت !
صديقاتي ذوات الشعر الكيرلي تعالوا نحاول نحل هالمعاناة:( صراحة أعتبر بديل الزيت من الأشياء اللي سهلت حياتي وخففت من الشعيرات المتطايرة وخاصة وقت السشوار 😂😂😂 لذلك بعد ما تغسلون شعركم ويجف شوي استخدموه✨
3- Sticky flash cards
بدل من استخدام ورق صغير أفضل إني استخدم ورق الملاحظات الملصقة للتذكير بالمعلومات المهمة بالاختبار + أعجبتني فكرة ليوتيوبر وهي وضع الملاحظات على المرآة أو الكتابة عليها بأقلام سبورة بحيث وقت ما أنتِ تستعدين للدوام تتطلعين عليها
4- كوي الملابس بدون مكواة !
تعلمت هالفكرة من أمي لما تكون مستعجلة وهي إني أترك الملابس بالمجفف إلين تنكوي لحالها😂 + علاقتي بالكوي سيئة جدًا جدًا وممكن أحرق كل ملابسي لولا هذه الطريقة 😂
5- التعليق وراء الباب !
هذا الاختراع مثالي بصدق ما يحتاج مسامير وحوسة بس أركبه وأعلق حوستي عليه جربوه بيوفر عليكم وقت وجهد كبير، مجهزة أشياء الدوام😂
6- تنظيف الأظافر بمعجون الأسنان !
هذه المعلومة العجيبة ما صدقتها إلا لما جربتها، مدري إذا واضح الفرق بالصورة أو لا بس بجدية فعالة 😂
7- توفي محضر مسبقًا !
أنا وحدة مغرمة بالتوفي مع أي شيء وتحديدًا المشروبات الساخنة:( وما يعجبني التوفي الجاهز أبدًا لذلك صرت أسويه وأحطه بعلبة بالثلاجة واستخدمه وقت ما أحتاجه وعادي يبقى لأسبوعين ما يصير له شيء (المقادير: نصف كوب سكر، ربع كوب ماء، ملعقتين زبدة، علبة قشطة)
وبس! إن شاء الله أكون أفدتكم بهالتدوينة القصيرة المختصرة وشكرًا لوقتكم😂❤️