DIY | علبة أقلام لطيفة بأبسط الخامات!

by - 6:14:00 م


مساء أو صباح التفاؤل~
اشتقت لكم أحس من زمان عن المدونة):
علبة الأقلام والأدوات من أكثر الأشياء اللي ما أستغني عنها ولازم تكون على مكتبي ودايمًا أفضل إني أسويها بنفسي، جربوا أنتو بعد تسوونها بتستمتعون!
المهم من زمان وعدت فيّ أنزل هالتدوينة وأجلتها ألف مره بس أخيرًا خلصت.....
إذا عندكم اقتراحات تدوينات مثل كذا شاركوني إياها~

الفكرة الأولى: 



الأدوات:
* علبة معدنية
* كوب ورق
* باترن (اختاري باترن من الإنترنت واطبعيه)
* صمغ
* ماركرز 
* مسطرة 
* قلم رصاص 


ننظف العلبة ونشيل الورق اللي عليها بعدين ندخل الكوب الورقي عشان يكون أنظف وأرتب من داخل 


نحدد مقاسات العلبة على الباترن من الخلف ونقصه 


نغلف العلبة بالورق ونثبته زين 


نكتب أو نرسم على الورق الشفاف أي شيء نحبه ونقصه، ممكن تستخدمون ورق أبيض أو ملون بس حسيت الورق الشفاف لطيف أكثر 



وبس نلصقهم بالشكل اللي يعجبنا 






الفكرة الثانية :

*علبة زجاجية أي شكل 
* تغليف شفاف
* مقص 
* ماركر
* فرشاة 
* قلتر وغراء أبيض أو لون قلتر 



نحط العلبة بماء حار عشان يفك الاستكر اللي عليها 



نرسم أي شكل على التغليف 





نلصق التغليف داخل العلبة ونلونها أو إذا ما عندكم نفسه ممكن تحطون غراء أبيض بعدين قلتر 



بعد ما يجف نشيل الشكل اللي لصقناه ويطلع شكله كذا 



العلب اللي أستعملها حاليًا ثلاث علب بنفس الشكل بس حجمها مختلف  وزينتها بإني لصقت شريط لاصق حولها بعدين لونت بالمناكير خطين وبس! بسيط ولطيف 


تدوينة ع السريع وتصوير مو ذاك الزود بس يلا): حاولت قد ما أقدر أستخدم أشياء متوفرة زي ما طلبت في هيهي ويارب تفيدكم وشكرا
بحاول الفترة الجاية أنزل أشياء مفيدة للاختبارات ..



You May Also Like

4 التعليقات

  1. جمممميل احب هالاشياء انا ✋💝💝 احس الاشياء اللي اسويها تكون اكثر قيمه عندي ♥♥ اممم شوفي انا ابي اسوي علاقه لمفتاحي ع ما اشتري وحده عند باب شقتنا بس مو عارفه كيف يالله شوفي اذا جا ببالك شي علميني ✋💆😂😂💗

    ردحذف
    الردود
    1. هههههههههه يلا وريني إبداعاتك، عاد تصدقين توني شايفة كم فكرة لطيفة لتعليقات! بختار كم وحده وأسويهم وأصور لك *^*

      حذف
  2. ماشاءالله عليك دائماً مبدعه
    عجبتني اول وحدة وفكرة الشفاف
    ايه عندي اقتراح
    نزلي وصفات طبخاتك وكوكيزاتك

    ردحذف
  3. أخيييييييييييييييراً اكثر شي احتاجه في حياتي جدياً!!!!!!! اقلام كلها منثوره بارجاء الغرفه كل يوم أكتشف قلم:(((( الله يعطيك العافيه (نابعه من القلب) 3>

    ردحذف

Instagram