مرحبًا بالأصدقاء💖
كيف حالكم؟
ورجعت بتدوينة جديدة بعد أسبوع وأكثر يمكن؟ اختبارات وحوسة تعرفون💔 وتدوينتي بتكون لنفس الموضوع بما إن ليان اقترحت عليّ أتكلم عنه...
مرحبًا بالأصدقاء
كيفكم وكيف دراستكم؟ خذوا نفس عميق واستجمعوا ما تبقى من طاقة كلها أيام ونخلص هذا الفصل الطويل وتبدأ العطلة! متحمسة من اللحين😍 شهر وأودع التحضيرية😂💖
صباح / مساء السعادة والأشياء اللذيذة 😍
ومن ما يحب الكوكيز؟ أحس الشيء اللي اجتمع الجميع على حبه خاصة هالأيام😂 المهم بما إني لقيت وصفة لذيذة وسهلة جدًا حبيت أشاركها معكم❤️
صباح / مساء النور 💕
كيفكم يا أصدقائي وكيف الاختبارات معكم؟:( يارب تعدي هالفترة على خير وتجي الإجازة المنتظرة بسلام 😂
بتدوينة اليوم حابة أشارككم أفكار وأشياء أحسها سهلت حياتي الكسولة واستفدت منها ✨
1- MORE french fries LESS guilty !
أول فكرة وهي عن نقطة ضعفي اللي ما قدرت أتركها أبدًا مهما حاولت أكون صحية:(!
لذلك لقيت حل مو صحي لكنه أقل ذنبًا من القلي وهو إني استخدم البطاطس المجمد الجاهز وأدهن الصينية وأحطه بين ١٢-١٥ دقيقة بالفرن
وتددداا حصلنا على بطاطس مقلي بدون قلي!! لذيذ جدًا لازم تجربونه🙊
2- بديل الزيت !
صديقاتي ذوات الشعر الكيرلي تعالوا نحاول نحل هالمعاناة:( صراحة أعتبر بديل الزيت من الأشياء اللي سهلت حياتي وخففت من الشعيرات المتطايرة وخاصة وقت السشوار 😂😂😂 لذلك بعد ما تغسلون شعركم ويجف شوي استخدموه✨
3- Sticky flash cards
بدل من استخدام ورق صغير أفضل إني استخدم ورق الملاحظات الملصقة للتذكير بالمعلومات المهمة بالاختبار + أعجبتني فكرة ليوتيوبر وهي وضع الملاحظات على المرآة أو الكتابة عليها بأقلام سبورة بحيث وقت ما أنتِ تستعدين للدوام تتطلعين عليها
4- كوي الملابس بدون مكواة !
تعلمت هالفكرة من أمي لما تكون مستعجلة وهي إني أترك الملابس بالمجفف إلين تنكوي لحالها😂 + علاقتي بالكوي سيئة جدًا جدًا وممكن أحرق كل ملابسي لولا هذه الطريقة 😂
5- التعليق وراء الباب !
هذا الاختراع مثالي بصدق ما يحتاج مسامير وحوسة بس أركبه وأعلق حوستي عليه جربوه بيوفر عليكم وقت وجهد كبير، مجهزة أشياء الدوام😂
6- تنظيف الأظافر بمعجون الأسنان !
هذه المعلومة العجيبة ما صدقتها إلا لما جربتها، مدري إذا واضح الفرق بالصورة أو لا بس بجدية فعالة 😂
7- توفي محضر مسبقًا !
أنا وحدة مغرمة بالتوفي مع أي شيء وتحديدًا المشروبات الساخنة:( وما يعجبني التوفي الجاهز أبدًا لذلك صرت أسويه وأحطه بعلبة بالثلاجة واستخدمه وقت ما أحتاجه وعادي يبقى لأسبوعين ما يصير له شيء (المقادير: نصف كوب سكر، ربع كوب ماء، ملعقتين زبدة، علبة قشطة)
وبس! إن شاء الله أكون أفدتكم بهالتدوينة القصيرة المختصرة وشكرًا لوقتكم😂❤️
وأخيرًا بعد إنقطاع طال آمده جدًا سعيدة إني أكتب تدوينة جديدة وبتخلص من شعور الذنب الذي كان صديقي الثلاث أسابيع الماضية، افتقدت المدونة وافتقدكم ودعمكم وكلامكم المُحفز💔
كأنها قلبت دراما؟ 😂
نعود لموضوعنا الأساسي وهو روتيني الصباحي وأشياء ممكن تخليك شخص صباحي ويصير وقتك المفضل باليوم وتستمتع فيه ✨
خلونا نبتسم كل صباح ونتفائل وندعي إن الأشخاص الكئيبين صباحًا يختفون خاصة اللي يعكرون صفو جونا أوقات الدوام 😂💔
بداية صباحي الدراسي يبدأ الساعة ستة أقوم وك ٩٩٪ من الناس هالأيام أول شيء أمسكه جوالي 😂 وبعدين فجأة أستوعب إني تأخرت وأنط من سريري وأتروش وأصحصح بعدين أنزل أشرب كوبين ماء، من زمان تعودت هالعادة وأحسها مفيدة جدًا لذلك جربوها🚶 وأجهز فطوري للدوام لأني ما أحب أفطر وأنا توني صاحية 😂 بعدين أرجع فوق وألبس وإذا كان في وقت وأنا رايقة أحط ميك اب بس في الحقيقة والواقع أحط بيبي كريم ومرطب وألبس عبايتي وأنزل ركض 😂 طبعًا كل هذا لازم يخلص قبل ٦:٥٠
بعدين أفتح جوالي وأقرأ بالطريق عشان ما أحس بالوقت وأستفيد بدل تأمل شوراع الجبيل 😂 فجأة أنتبه لنفسي إني وصلت وادخل وأمشي إلى مبنى سي وأنا مبتسمة وأسولف مع نفسي مرات بدون ما أحس، إذا شفتوني سووا أنفسكم ما انتبهتوا 🏃
بعدين أقعد بالكافتيريا أسولف وأتحلطم مرات وألعب بجوالي، حتى وأنا مداومة غصب حب الصباح والطاقة الإيجابية اللي فيه تنسيني 😍
ياه تدوينة سوالف 🚶💔
بس طبعًا صباح عطلة الأسبوع والإجازات + الإجازات المريمية مختلف 😂
طيب كيف نكون أشخاص صباحيين؟
أولًا النوم لوقت كافي خاصة إذا كان عندك دوام ويوم طويل يحتاج طاقة كبيرة
ثانيًا خذ وقتك وأصحى قبل بوقت مو كل شوي غفوة إلين يبقى ١٠ دقايق ويبدأ التوتر والتنفيس😂💔 صح صعب بس إذا تعودت عليه بتحس بالراحة✨
ثالثًا ابتسم ابتسم ابتسم ابتسم
🐼 ليه النكد وأنت عندك مليون سبب يخليك تبتسم؟؟؟ مهما كانت أسبابك دائمًا خلي بداية اليوم بداية جديدة لك وانسى أي شيء ممكن يعكر مزاجك واستمتع بهذه اللحظات!
إبدأ يومك بمشروبك المفضل كوب قهوة مثلاً وصحصح وروق وخطط ليومك وخلي عندك هدف
تأمل الطبيعة والغيوم والشمس تحديدًا يعطي طاقة إيجابية كبيرة لذلك أحس المشي الصباح والإسترخاء سبب مهم يخليني أحب الصباح😭💕
نفذ أعمالك صباحًا وخلك من التأجيل واستغل طاقتك الكبيرة بداية اليوم حتى المذاكرة أريح الصباح...
استمتع! حرفيًا استمتع حتى بالأشياء العادية ما فيها شيء لو استهبلت قدام المراية وأنت تفرش أسنانك أو مشيت وأنت تتذكر سوالف غبية وقعدت تضحك 😂 هذا وقتك ولازم تعرف كيف تستمتع فيه وما في أي شيء يمنعك
خلونا من النفسيات الكئيبة والوجوه اللي كلها نوم 😂💔
دائمًا حفز نفسك حتى لو تلصق هذه العبارات قدامك عشان تقرأها كل صباح وسوي نشاطات المفضلة إقرأ ارسم مارس الرياضة اكتب بس أهم شيء تتحرك من سريرك وتنسى الكسل 😂
تكلمت كثير بس إلى الآن ما أحس إني أوفيت الفكرة
حقها، بس بجدية الصباح هو اللي بيحدد بقية يومك لو استغليته صح، جرب تصحى وتخلق من نفسك شخص ثاني الشخص اللي أجلته من سنوات اللي أنت دائمًا مشغول بالتفكير كيف أنت بتكون هو!
ختامًا في إقتباس أعجبني من دراما وهو إنه إذا يأست من الحياة وفكرت بالانتحار أجله إلى اليوم اللي بعده وإذا فكرت بالانتحار مرة ثانية أجله بعد إلى أن تصل لليوم اللي يخليك تقول الحمدلله إني ما انتحرت أمس! يكون هذا اليوم اللي حلمت فيه دائمًا....
ما بنوصل لمرحلة الانتحار بس تأملوا فكرته ولا تعلقون أخطاء اليوم السابق باليوم الجديد
أتمنى لكم أيام سعيدة وصباحات مشرقة ورائعة💕
استمتعوا وشكرًا لوقتكم 💕
إذا أعجبتكم التدوينة حاولوا تصيرون صباحيين وشاركوها للناس اللي تكره الصباح😂💔💔
