تجارب | تجربة الطلب من موقع BeautyNetKorea وتقييمي لمنتجات العناية الكورية ✨

by - 9:39:00 م





صباح/مساء الخير~

وأخيرًا خلصنا الميد ترم ونقدر نأخذ نفس عميق ونتنفس الصعداء  بعد أيام كانت عصيبة نفسيًا:( الحمدلله هالأيام مرت وانتهت بكل مشاعرها السلبية وإن شاء الله نلقى درجات تسرنا في النهاية..
سعيدة إني أكتب هذه التدوينة اللي تأجلت للمرة المئة هههه



قبل فترة كنت أتابع يوتيوبرز يسوون ريفيوز لمنتجات العناية الكورية وتحمست جدًا إني أطلب وأجربهم وكملت بحث ولقيت أكثر من موقع وكانت تجربتي الأولى مع موقع 
http://beautynetkorea.com/ 



وكانت تجربة ناجحة الحمدلله لولا تأخير البريد السعودي اللي خلوا الباكج تأخذ جولة على السعودية قبل ما توصل كالعادة :)))
 أعجبني تغليفهم ما كان مرتب مره بس كل شيء مغلف لحاله ووصل بحالة ممتازة و موقعهم جيد بعد والحلو فيه كاتبين معلومات عن المنتج وتجربة له باللغتين الإنجليزية والكورية وأهم شيء بالنسبة لي إنه يقبل الدفع عن طريق paypal 
+ الشحن برقم تتبع مجانًا 


هل أفكر أجربه مرة ثانية؟ طبعًا طبعًا 
حبيت المنتجات الكورية وأفكر إني أعتمدها في العناية ببشرتي لأنه فعًلا حسيتها طبيعية جدًا! 
بس ما أتوقع إني بطلب هالفترة بما إن منتجاتهم غير إستهلاكية استغربت من حجم العلب الكبير مقارنةً بغيرهم! 


و بما إني ما نزلت هذه التدوينة أول ما وصلوا كان عندي وقت أجربهم كلهم وأقدر أعطيكم إنطباعي عنهم وبتلقون رابط المنتج من الموقع في اسمه:

 هذه السامبلز اللي جت مع الأغراض بس للآن ما جربتهم


غسول الشاي الأخضر من InnisfreeGreen Tea Cleansing Foam

من الأشياء اللي لقيت عليها مدح من اليوتيوبرز، منعش وتنظيفه عميق بس بنفس الوقت لطيف على البشرة استخدمه الصباح 

 هذا التونر صرت استخدمه بعد أي غسول
 راائع! يرطب البشرة ويرجع المسام لحجمها الطبيعي وينظف 
أي شيء يبقى بعد 


أكثر شيء حمسني أطلب! من كثر ما شفت عليه مدح وتجارب 
بما إنه مكون من جل الحلزون والنحل والصبار فهو جدًا مفيد للبشرة ويتخلص من أي آثار الحبوب أو أي آثار قديمة على البشرة ويصفيها 
إلى الآن ما أقدر أحكم عليه تمامًا لأنه نتائجه تحتاج أكثر من ثلاث أسابيع عشان توضح

Benton - SNAIL BEE HIGH CONTENT STEAM CREAM

وهذا الستيم كريم من نفس المجموعة استخدمه بعد ما احط السيروم 


كريم للترطيب حول العينين، ترطيبه عالي ومناسب للبشرة الجافة وأهم شيء إنه يفتح ويعالج المشاكل


Etude house - Baking Powder Pore Cleansing Foam 3 in 1

هذا الغسول بعد تنظيفه عميق وينظف المسام زين أحب استخدمه قبل لا أنام عشان أتأكد إن وجهي نظيف تمامًا 

ماسك سكين فود الشهير جدًا ههه 
تقريبًا هو مقشر أكثر من كونه ماسك وممتاز 

  هذا شكله من داخل وريحته سكر وليمون 

وهذا الماسك الثاني احطه بعد هذاك مره حلو ولطييف ويرطب البشرة 


هذا شكله من داخل وريحته مره حلوة أحسه شوي وأكله من كثر ما أعجبتني هههه
 Etude House All Finish Pearl & Mascara Remover 

واحد من أفضل الأشياء اللي جربتها وللاسف ما لقيت رابطه شكله خلص:( 
ينظف العين بسرعة ولططيييفف جدًا عليها مره حلو
طبعًا ما ينفع أشوف مناكير وما أطلب ما استخدمهم دائمًا بس أحبهم:( 
اللون قديم شوي بس حلو وجودة المناكير ممتازة

مع إني ما أحب اللب تنت بس هذا عجبتني فكرته وشكله على الشفايف حلو مره 
كأنه طبيعي بس عيبه إن اللون ما يطول مره:(



وأخذت هذا الاي برايمر إلى الآن ما جربته لساعات وشفت كيف بس 
أغلب التجارب كاتبين إنه ثباته عالي وجودته بعد


تريتمنت للشعر تستخدمينه بعد الشامبو تجففين الشعر شوي وتحطينه 10 دقائق وتغسلينه
صدمني أول مرة جربته ما توقعت يعجبني حسيت شعري صار حيوي أكثر وملمسه حلو

وهذا اللب تنت هدية منهم، أعجبني أكثر من اللي طلبته تركيز لونه أقوى وثابت أكثر 


بس اللون نفسه أحمر مائل للبرتقالي مو مره أعجبني

-------------

وبكذا أكون خلصت حاولت أفيدكم قدر المستطاع مع قلة خبرتي في هذا الموضوع ولذلك ما أحب أتفلسف فيه بس ارجع أقول إنها تجربة حلوة وتستاهل إنكم تجربونها أنتم بعد !
شاركوني تعليقاتكم إذا حابين تشوفون تجاربي مع المواقع الثانية 
شكرًا لوقتكم استمتعوا~~



You May Also Like

14 التعليقات

  1. أزال المؤلف هذا التعليق.

    ردحذف
  2. ماشالله عليك ختمتي موقعهم 🌚✋😂😂
    حلوه انها تجربه جميله اتمنى ارحا اثق بمنتجات العنايه بالبشره زي اول 💔😢
    الزبده تصويرك جييده 😏👏

    ردحذف
  3. يا الله جد أشيائهم تفتح النفس إش دا :( نفسي أطلبها كلها :( كلامك فعلًا حمسني إن شاءالله أطلب منهم بيوم :(

    ردحذف
  4. ما شاء الله اشياء جميلة و تفتح النفس تتهني فيها ان شاء الله
    بس حبيت اسأل هل الموقع يوصل دايركت على السعودية ..؟
    و كم يوم على ما وصلت الطلبية ؟

    ردحذف
    الردود
    1. شكرًا لك:) اي يوصل دايركت وأخذ ما بين أسبوعين إلى ثلاثة

      حذف
    2. حابه اسالك كيف قرتي تتبعين شحنتك ع اي موقع وشكرا ؟ لاني طالبه وماعرفت من فين اتتبع

      حذف
  5. اذا سمعتي عن خطوات روتين البشرة الكوري السبعة
    تتحمسين معاهم مره ومع منتجاتهم غير كذا مافي كوري أو كورية بشرتهم ماهي حلوة
    ماشاء الله وايوة عندهم عيب مره تكون بشرتك ماهي بيرفكت وتعبانة عشان كذا
    يهتمون بمنتجاتهم للبشرة وعندهم تقنيات جديرة إننا نتعرف عليها

    حبيت البوست ماشاء الله

    ردحذف
  6. يسلموا ع الموضوع ♡ اللي عاجبني ان الشحن مجاااني بعكس مواقع كثيره كوريه مرررره الشحن مرتفع..

    ردحذف
  7. يسلموا ع الموضوع ♡ اللي عاجبني ان الشحن مجاااني بعكس مواقع كثيره كوريه مرررره الشحن مرتفع..

    ردحذف
  8. يشحنو بالبريد مجاني ولا ؟

    ردحذف
  9. لو سمحتي اختي كيف طريقه الطلب من الموقع ماعرفت ابدا ياريت تساعديني

    ردحذف
  10. هل لما طلبتى الاوردر عرفتى تتبعى الشحنة وعرفتى هتوصل امتى وهل بعتولك رسالة تأكيد ان الحاجة اتشحنت ؟ عشاان انا طلبت منتجات وخدو الفلوس بس مفيش اى رسالة تأكيد جت وانا خايفة انهم يكونو خدوا الفلوس وخلاص

    ردحذف
  11. حلو حبيبتي لاكن هل عندك تجربة مع منتج Rapid lash ??

    ردحذف

Instagram