DIY | Simple changes can make a big differance ✨

by - 6:15:00 م




مرحبًا بالأصدقاء 
كيفكم وكيف دراستكم؟ خذوا نفس عميق واستجمعوا ما تبقى من طاقة كلها أيام ونخلص هذا الفصل الطويل وتبدأ العطلة! متحمسة من اللحين😍 شهر وأودع التحضيرية😂💖 


في تدوينة اليوم بشارككم آخر التحديثات على جداري ومكتبي😂 بالنسبة لإنسانة كل حياتها بالغرفة جدًا أهتم بإني ما أمل من المنظر حولي لذلك أحاول قد ما أقدر أغير حتى لو بشكل بسيط ✨ 




لوحة الأسد اللطيف 💖


أولًا هي مو لوحة هي عبارة عن غطاء كرتون قديم استخدمت البخاخ الأبيض عشان أقدر ألون فوقه بس اللي صار إن ألوان ما ناسبت السطح لذلك صارت الألوان كذا بس أعجبني طلعت بشيء غير متوقع! 😂✨ وكتبت عليها إقتباس بالماركر💖


الصورة المستخدمة 💖


اللوحة الثانية Life goes on 


نفس فكرة الأولى بس الفرق طريقة التلوين 


مقارب لهذه الفكرة، طريقة الشريط اللاصق بعدين دمج الألوان بعدها كتبت بالمحدد الذهبي 😍


أسد النجوم


قبل فترة لقيت هذه النجوم اللي كنا نعلقها لما كنا صغار وطلبتها 😂 فكرت كيف ممكن أعلقها بشكل بس يكون له معنى لذلك طلعت هيكل الأسد ✨ مع إنها صارت تعني لي أكثر بفضل رانيا 😂💖
رسمت الهيكل بالقلم الرصاص والمسطرة ولصقت النجوم بعدها بأيام خطر ببالي أحط على الخطوط واشي تيب عشان تصير أجمل وطلعت كذا 😍


علبة الغراء ✨ 



أنواع الغراء مسوية زحمة على المكتب ومطفشتني لذلك سويتها، أخذت علبة كاكاو قديمة وغلفتها بالورق بعدها استخدمت شريط لاصق على شكل دانتيل أسود وكتب عليها glue بالمحدد الذهبي وفي عندي علبة قديمة نفسها 


بس الفرق هذه غلفتها بالديكوباج ورق جرائد وورد من منديل 😍 

لمسات بسيطة ✨ : 


شكل ألماسة بالواشي تيب درجتين للون الوردي ولون بنفسجي رتبتهم بشكل عشوائي 💖


مشبك ورق علقته عشان أحط الأوراق المهمة ✨


وبكذا أكون خلصت تدوينتي و لي عودة لنفس الموضوع 😍 إن شاء الله تكونون حبيتوها وألهمتكم إنكم تضيفون أشياء تعيد الحياة لأي مكان حولكم ✨ استغلوا أي فن عندكم طريق لنشر الجمال وتذكروا إن التغييرات البسيطة تحدث فارقًا كبيرًا 💖
شكرًا لوقتكم ~~ 

You May Also Like

4 التعليقات

  1. جميل جداً والأفكار حيوية 👏🏼👏🏼✨، تعطي دافع للإنجاز أكثر
    I love it keep going

    ردحذف
  2. I love the ideas 😃😃
    Just taking a look will give u enthusiasm 😤
    And will make u feel better 😊
    Good luck,keep going,and give us more of ur ideas 👍👍

    ردحذف
  3. حلو التغيير لكن احيان ما اعرف كيف ابدأ او من وين بالضبط ابدأ !

    I like your ideas my dear ��
    Your paintings are cute and lovely ������
    Love you and keep going ��

    ردحذف
  4. ممممرا حبيت خاصه للمكان اللي دايم انتي فيه
    كذا شي يفتح النفس ومفيد بنفس الوقت يحمسك تنجزين
    رائعه ك العاده جد يعطييك العافيه 👌👏👏

    ردحذف

Instagram